ಡಿ ಬಾಸ್ ದರ್ಶನ್ ಹಾಗೂ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅವರನ್ನು ಒಂದೇ ಸ್ಟೇಜಿನ ಮೇಲೆ ನೋಡಲು ಭಾಗ್ಯ ಬೇಕು. ಎಲ್ಲರಿಗೂ ಈ ಭಾಗ್ಯ ದೊರೆಯುವುದಿಲ್ಲ ಆದರೆ ಈಗ ಸಿಕ್ಕಿರುವ ವಿಡಿಯೋದಿಂದ ಎಲ್ಲರೂ ಇವರಿಬ್ಬರನ್ನು ಒಂದೇ ವೇದಿಕೆಯ ಮೇಲೆ ನೋಡಬಹುದು. ಹೌದು. ಪೌರಾಣಿಕ ಕಥೆಗಳ ಪಾತ್ರಧಾರಿಯಾಗಿ ಪುನೀತ್ ಹಾಗೂ ದರ್ಶನ್ ಇಬ್ಬರು ಒಂದೇ ವೇದಿಕೆಯ ಮೇಲೆ ಒಟ್ಟಾಗಿ ಕಾಣಿಸಿಕೊಂಡಿರುವ ವಿಡಿಯೋ ಒಂದು ವೈರಲ್ ಆಗಿದೆ.
ಇಬ್ಬರು ಸ್ಟಾರ್ ನಟರನ್ನು ಒಂದೇ ಸಿನಿಮಾದಲ್ಲಿ ನೋಡುವುದು ಅಭಿಮಾನಿಗಳಿಗೆ ಅದೆಂತಹದೋ ಖುಷಿಯನ್ನು ನೀಡುತ್ತದೆ. ವೈಯಕ್ತಿಕ ಕಾರಣಕ್ಕೆ ವೈರತ್ವವನ್ನು ಬೆಳೆಸಿಕೊಂಡಿರುವಂತಹ ಇಬ್ಬರು ಅಭಿಮಾನಿಗಳು ತಮ್ಮ ನೆಚ್ಚಿನ ನಾಯಕ ನಟರು ಒಂದೇ ಚಿತ್ರದಲ್ಲಿ ಕಾಣಿಸಿಕೊಂಡಾಗ ಸ್ನೇಹಿತರಾದ ಉದಾಹರಣೆಗಳು ಸಾಕಷ್ಟಸಾಕಷ್ಟುವಿವೆ. ಅಂದರೆ ಅಷ್ಟರ ಮಟ್ಟಿಗೆ ಮೋಡಿ ಮಾಡುತ್ತದೆ ಸ್ಟಾರ್ ನಟರ ಜೋಡಿ.
ದೈಹಿಕವಾಗಿ ನಮ್ಮೊಂದಿಗೆ ಇಲ್ಲದಿದ್ದರೂ ಮನಸ್ಸಿನಲ್ಲಿ ಎಂದಿಗೂ ಅಳಿಯದೆ ಉಳಿದುಕೊಳ್ಳುವ ಪುನೀತ್ ರಾಜಕುಮಾರ್ ಅವರು ಬಾಲ್ಯದಿಂದಲೇ ಸಿನಿಮಾ ರಂಗದಲ್ಲಿ ಕಾಣಿಸಿಕೊಂಡು ಭೇಷ್ ಎನಿಸಿಕೊಂಡವರು. ಪುನೀತ್ ಅವರ ಸುಮಧುರ ಕಂಠ, ದೊಡ್ಡ ದೊಡ್ಡ ಡೈಲಾಗ್ ಗಳನ್ನು ಸಾರಾಗವಾಗಿ ಹೇಳುವ ರೀತಿ, ಡಾನ್ಸ್ ಮಾಡುವ ಕಲೆ ಎಲ್ಲವನ್ನು ನೋಡಿದಾಗ ಡಾಕ್ಟರ್ ರಾಜಕುಮಾರ್ ಅವರ ಅಂಶವೇ ಅಪ್ಪು ಅವರಲ್ಲಿ ಇದ್ದಂತೆ ಭಾಸವಾಗುತ್ತದೆ.
ಗುಣ, ನಡತೆಯ ವಿಚಾರಕ್ಕೆ ಬಂದರೆ ಇವರನ್ನು ಮೀರಿಸುವವರು ಯಾರು ಇಲ್ಲವೆಂದು ಅನಿಸುತ್ತದೆ. ಪುನೀತ್ ಅವರು ಅದೆಷ್ಟೋ ಮಂದಿ ಬಡ ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ, ಕೂಲಿಗಾರರ ಆಹಾರ ಬಟ್ಟೆಗೆ ಸಹಾಯ ಮಾಡಿದ್ದಾರೆ ಹೊಸದಾಗಿ ಸಿನಿಮಾ ರಂಗವನ್ನು ಸೇರಲು ಇಚ್ಚಿಸಿದವರಿಗೆ ಪ್ರೋತ್ಸಾಹಿಸುತ್ತಾ, ಅವಕಾಶಗಳ ದಾರಿಯನ್ನು ತೋರಿದ್ದಾರೆ. ಚಿಕ್ಕ ವಯಸ್ಸಿನಲ್ಲಿಯೇ ಇಷ್ಟೊಂದು ಸಾಧನೆಗೈದು ಒಳ್ಳೆಯ ವ್ಯಕ್ತಿತ್ವವನ್ನು ಹೊಂದಿರುವುದು ಶ್ಲಾಘನೀಯ.
ತಲೆಯೆತ್ತಿ ನೋಡಬೇಕಾದ ಎತ್ತರ. ಎತ್ತರಕ್ಕೆ ತಕ್ಕನಾದ ತೂಕ. ದೇಹಕ್ಕೆ ತಕ್ಕನಾದ ಗಾಂಭೀರ್ಯ ಧ್ವನಿ. ಇಷ್ಟನ್ನು ಹೇಳಿದರೆ ಸಾಕು ಅಭಿಮಾನಿಗಳು ಡಿ ಬಾಸ್ ದರ್ಶನ್ ಎಂದು ಕಂಡುಹಿಡಿಯುತ್ತಾರೆ. ಹೌದು ತಮ್ಮ ಅಭಿನಯದ ಮೂಲಕ ಕರ್ನಾಟಕ ಜನತೆಯ ಮನ ಗೆದ್ದಂತಹ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಸಾಲು ಸಾಲು ಹಿಟ್ ಚಿತ್ರಗಳ ಒಡೆಯ. ಚಿತ್ರಮಂದಿರಗಳಿಗೆ ತೆರಳಿದಾಗ ಮಾಸ್ ಲುಕ್ ನಲ್ಲಿ ಒಮ್ಮೆ ಇವರನ್ನು ನೋಡಿದರೆ ಸಾಕು ಜನ ಕೇಕೆ ಹಾಕಿ ಕುಣಿಯುತ್ತಾರೆ.
ತೂಗುದೀಪ್ ಶ್ರೀನಿವಾಸ್ ಅವರು ಮಹಾನ್ ಕಲಾವಿದರು. ಅವರಂತೆ ಮಗ ದರ್ಶನ್ ಕೂಡ ಕಲಾ ದೇವತೆಯಿಂದ ವರ ಪಡೆದವರೆ. ಅಪ್ಪುವಿರಲಿ, ದಚ್ಚುವಿರಲಿ ಇಬ್ಬರದ್ದು ನಟನೆಯಲ್ಲಿ ಎತ್ತಿದ ಕೈ. ಪಾತ್ರ ಯಾವುದೇ ಇದ್ದರೂ ಅಚ್ಚುಕಟ್ಟಾಗಿ ಅಭಿನಯಿಸುತ್ತಾರೆ. ಐತಿಹಾಸಿಕ ಅಥವಾ ಪೌರಾಣಿಕ ಕಥೆಗಳ ಪಾತ್ರಗಳಾದರೂ ಸರಿ. ಬಣ್ಣ ಹಚ್ಚಿ ಜೀವ ತುಂಬಲು ಇವರು ರೆಡಿ. ಹೌದು. ವೈರಲ್ ಆದ ವಿಡಿಯೋದಲ್ಲಿ ದರ್ಶನ ಹಾಗೂ ಪುನೀತ್ ಅವರು, ಖಡ್ಗವನ್ನು ಹಿಡಿದು, ರಾಜರಂತೆ ಉಡುಗೆಯನ್ನು ತೊಟ್ಟು ಎದುರು ಬದುರಾಗಿ ನಿಂತು.
ಡಾಕ್ಟರ್ ರಾಜಕುಮಾರ್ ಅವರ ಬಬ್ರುವಾಹನ ಚಿತ್ರದ ಪಾತ್ರಗಳನ್ನು ಮಾಡಿ, ಚಿತ್ರದ ದೃಶ್ಯಗಳನ್ನು ರೀ ಕ್ರಿಯೇಟ್ ಮಾಡಿದ್ದಾರೆ. ‘ಯಾರು ತಿಳಿಯರು ನಿನ್ನ ಭುಜಬಲದ ಪರಾಕ್ರಮ’ ಎಂದು ಪುನೀತ್ ಅವರು ನಟಿಸಿದ್ದರೆ, ‘ಅಸಹಾಯ ಶೂರ ನಾ ಅಕ್ಷೀಣ ಬಲನೋ?.. ಹೊರನೋಡನೆ ಹೋರಾಡಿ ಪಾಶುಪತವಂ ಪಡೆದವನೋ’ ಎಂದು ದರ್ಶನವರು ನಟಿಸಿದ್ದಾರೆ.
ಇಬ್ಬರನ್ನು ಒಂದೇ ವೇದಿಕೆಯಲ್ಲಿ, ಅದರಲ್ಲೂ ಬಬ್ರುವಾಹನ ಚಿತ್ರದ ಪಾತ್ರಗಳಲ್ಲಿ ನೋಡಿದ ಜನರು ಕುಣಿದಿದ್ದಾರೆ. ಪುನೀತ್ ಅವರನ್ನು ನೋಡಿದಾಗ ಡಾಕ್ಟರ್ ರಾಜಕುಮಾರ್ ಅವರ ಮತ್ತು ದರ್ಶನ್ ಅವರನ್ನು ನೋಡಿದಾಗ ತೂಗುದೀಪ್ ಶ್ರೀನಿವಾಸ್ ಅವರ ನೆನಪಾಗುತ್ತದೆ ಎಂದು ಕಾಮೆಂಟ್ಸ್ ಮಾಡಿದ್ದಾರೆ. ಅಂತೂ ದಚ್ಚು ಹಾಗೂ ಅಪ್ಪು ಒಟ್ಟಾಗಿ ಕಾಣಿಸಿಕೊಂಡ ನಾಟಕದ ವಿಡಿಯೋ ಸಿಕ್ಕಿತಲ್ಲ ಎಂದು ಅಭಿಮಾನಿಗಳು ಖುಷಿ ಪಟ್ಟಿದ್ದಾರೆ.
https://youtu.be/ybe74bIU7Hg